యాదృచ్ఛికమే కావచ్చు… ఓ జర్నలిస్టు ప్రాతినిధ్యం వహించిన దుబ్బాక నియోజకవర్గం ఎమ్మెల్యేగా మళ్లీ పూర్వ జర్నలిస్టే విజయం సాధించడం విశేషం. ఔను దుబ్బాక ఉప ఎన్నికల్లో సంచలన విజయం సాధించిన ఎం. రఘునందన్ రావు ఒకప్పుడు విలేకరే.
చిన్నతనం నుంచే రాజకీయాలపై మక్కువ, ఆసక్తి గల ఆయన డిగ్రీ వరకు సిద్దిపేటలో చదివారు. ఉస్మానియా యూనివర్సిటీ నుంచి ఎల్ఎల్బీ పట్టా పొందారు. విలేకరిగా మొదలైన రఘునందన్ రావు జీవితం ఎమ్మెల్యే స్థాయి వరకు వెళ్లింది. గతంలో ఆయన ఉమ్మడి మెదక్ జిల్లా పఠాన్ చెరువు ఈనాడు విలేకరిగా పనిచేశారు.
![ts29 raghu](https://i0.wp.com/ts29.in/wp-content/uploads/2020/11/raghu.jpeg?resize=788%2C462&ssl=1)
ఇక్కడ మీరు చూస్తున్న చిత్రంలో కిందనుంచి రెండవ లైన్ లో(లెఫ్ట్ టు రైట్) రెండవ వ్యక్తే రఘునందన్ రావు. ఈనాడు పత్రికలో డివిజన్ సమావేశం సందర్భంగా తీసిన చిత్రమిది. కాగా దుబ్బాక నుంచి ఎమ్మెల్యేగా ప్రాతినిధ్యం వహిస్తూ అనారోగ్యంతో మరణించిన సోలిపేట రామలింగారెడ్డి ఉదయం, వార్త దినపత్రికల్లో విలేకరిగా పనిచేసిన సంగతి తెలిసిందే.