Facebook Twitter YouTube
    Sunday, June 4
    Facebook Twitter YouTube
    ts29ts29
    • Home
    • Editor’s Pick
    • General News
    • Crime News
    • Political News
    • Opinion
    • National News
    • International News
    ts29ts29
    Home»Political News»‘ఈటెల’ వ్యాఖ్యలపై హరీష్ రావు రియాక్షన్

    ‘ఈటెల’ వ్యాఖ్యలపై హరీష్ రావు రియాక్షన్

    June 5, 20212 Mins Read
    WhatsApp Facebook Twitter Telegram
    ts29 harish rao

    మాజీ మంత్రి ఈటెల రాజేందర్ తన గురించి చేసిన వ్యాఖ్యలపై తెలంగాణా ఆర్ధిక శాఖ మంత్రి హరీష్ రావు స్పందించారు. టీఆర్ఎస్ పార్టీకి రాజీనామా చేసిన సందర్భంగా హరీష్ కూడా అనేక అవమానాలకు గురయ్యారని ఈటెల ప్రస్తావించిన సంగతి తెలిసిందే. ఈ నేపథ్యంలో ఈటెల రాజేందర్ చేసిన వ్యాఖ్యలపై మంత్రి హరీష్ రావు కాస్త ఘాటుగానే స్పందించారు. హరీష్ రావు పేరుతో విడుదలైన ప్రకటన ఉన్నది ఉన్నట్లుగా దిగువన చదవవచ్చు.

    ‘‘టీఆర్ఎస్‌ పార్టీలో నేను నిబ‌ద్ద‌త, విధేయ‌త‌, క్ర‌మ‌శిక్ష‌ణ ఉన్న‌ కార్య‌క‌ర్త‌ను. పార్టీ ఆవిర్భావం నుంచి నేటి వ‌ర‌కు నాకు పార్టీ ప్ర‌యోజ‌నాలే ప‌ర‌మావ‌ధి. పార్టీ కార్య‌క‌ర్త‌గా ఉన్న నాకు పార్టీ, నాయ‌క‌త్వం ఏ ప‌ని అప్ప‌గించినా దాన్ని పూర్తిచేయ‌డం నా విధి, బాధ్య‌త‌. పార్టీ నాయ‌కుడిగా కేసీఆర్ ఏ ఆదేశం ఇచ్చినా శిర‌సావ‌హించ‌డం నా కర్త‌వ్యంగా భావిస్తాను. కేసీఆర్ గారు పార్టీ అధ్య‌క్షులే కాదు.. నాకు గురువు, నా మార్గ‌ద‌ర్శి, నాకు తండ్రితో స‌మానులు. ఆయ‌న మాట జ‌వ‌దాట‌కుండా న‌డుచుకుంటున్నాను. గ‌తంలో అనేక‌సార్లు ఇదే విష‌యం సుస్ఫ‌ష్టంగా అనేక వేదిక‌ల‌పై చెప్పాను. ఇప్పుడు మ‌రోసారి చెప్తున్న‌. కంఠంలో ఊపిరిఉన్నంత వ‌ర‌కు ఇలాగే న‌డుచుకుంటాను. తాచెడ్డ కోతి వ‌న‌మెల్ల చెరిచింద‌న్న‌ట్టుగా ఉన్న‌ది ఈట‌ల రాజేంద‌ర్ గారి వైఖ‌రి. పార్టీని వీడ‌డానికి ఆయ‌న‌కు అనేక కార‌ణాలుండొచ్చు. పార్టీలో ఉండాలా.. వెళ్లిపోవాలా అన్న‌ది ఆయ‌న ఇష్టం. ఆయ‌న పార్టీని వీడిన టీఆర్ఎస్ పార్టీకి వీస‌మెత్తు న‌ష్టం కూడా లేదు. ఆయ‌న పార్టీకి చేసిన సేవ‌క‌న్నా.. పార్టీ ఆయ‌న‌కు ఇచ్చిన అవ‌కాశాలే ఎక్కువ‌. త‌న స‌మ‌స్య‌ల‌కు , త‌న గొడ‌వ‌కు నైతిక బ‌లం కోసం ప‌దేప‌దే నా పేరును ప్ర‌స్తావించ‌డం ఈట‌ల రాజేంద‌ర్ భావ‌దారిద్య్రానికి, విజ్ఙ‌త‌, విచ‌క్ష‌ణ‌లేమికి నిద‌ర్శ‌నం. నా భుజాల మీద తుపాకి పెట్టాల‌నుకోవ‌డం విఫ‌ల ప్ర‌య‌త్నం మాత్ర‌మే కాదు.. వికార‌మైన ప్ర‌య‌త్నం కూడా. ఆయ‌న మాట‌ల్లో మ‌నో వికార‌మే త‌ప్ప స‌త్యం ఎంత మాత్రం లేదు. నా గురించి ఆయ‌న చేసిన వ్యాఖ్య‌ల‌ను తీవ్రంగా ఖండిస్తున్న‌….’’
    తన్నీరు హరీష్ రావు, రాష్ట్ర ఆర్థిక శాఖ మంత్రి

    etela rajendar minister harish rao Telangana politics trs politics
    Previous Article‘ధరణి’లో సమస్యా? అయితే ఇలా చేయండి
    Next Article 8న మంత్రివర్గ సమావేశం

    Related Posts

    పొంగులేటి ఇంట్లో పొలిటికల్ స్కెచ్ ఏంటి?

    May 4, 2023

    ‘క్లైమాక్స్’పై పొంగులేటి కీలక నిర్ణయం

    February 14, 2023

    రాజ్యసభ ఆఫర్: ‘పొంగులేటి’ కింకర్తవ్యమ్!?

    May 18, 2022

    Comments are closed.

    https://www.youtube.com/watch?v=Xvn_15BR5TY
    https://www.youtube.com/watch?v=5BiOy1tW780
    Facebook Twitter YouTube
    • Privacy Policy
    • Disclaimer
    • About Us
    © 2023 ts29.in

    Type above and press Enter to search. Press Esc to cancel.