Close Menu
    Facebook X (Twitter) YouTube
    Tuesday, November 28
    Facebook X (Twitter) YouTube
    ts29ts29
    • Home
    • Editor’s Pick
    • General News
    • Crime News
    • Political News
    • Opinion
    • National News
    • International News
    ts29ts29
    Home»Opinion»సింహ విలాపం

    సింహ విలాపం

    May 24, 20211 Min Read
    WhatsApp Facebook Twitter Telegram
    ts29 lion

    గుహ లోంచి ఏమిటీ ధార, వాగై వంకలు తిరుగుతూ బిందు చిందులు వేస్తూ పరిగెడుతూ
    ఎందుకిలా పరవళ్లు తొక్కుతోంది?

    ఆగిపోతున్న శ్వాసలను హారం చేసుకొని, కట్టెలను కిరసనాయిలు డబ్బాలను నెత్తిన పెట్టుకొని ప్రేత యాత్రకు బయల్దేరిన దేశం వెంటబడుతున్నది ఎందుకు?

    ఊపిరి కొనకు వేలాడుతున్న రేపటి శవాల మీది నగ నట్రా వొలుచుకొంటున్న త్రాసుపత్రులను
    ప్రజలపరం చేయాల్సిన బాధ్యత మరచి

    విదేశీ లాకర్లలోని ఎగవేత ధనాన్ని రప్పించి
    తన చంకనెక్కి కూచున్న
    కన్నపుగాళ్ళను బొక్కలో దోసి
    వర్తమానం హృదయం మీద
    జన సంతకం చేయించడం విడిచి

    వ్యాక్సిన్ల వ్యాపారుల కొమ్ములను విరిచి
    ఔషధం చెరను పునాదులతో పెకలించి
    కార్పొరేట్ కారాగారాల నుంచి
    విద్యను విడిపించి

    ప్రజా ఫిరంగులతో వైరస్ ను తరిమి
    జన కల్యాణానికి పందిళ్ళు
    వేయాల్సిన వేళ
    గుహ లోంచి ఏమిటీ కన్నీటి ధార?

    విదిలించాల్సిన జూలు విలపిస్తోందేల?
    గర్జించాల్సిన గొంతులో గద్గదమెందుకు?
    జాతిని మరెన్ని గ్రహణాలకు
    గురి చేసే ఘాతుక లీల?

    – శ్రీరామ మూర్తి
    సీనియర్ ఎడిటర్

    lion crying sreerama murthy శ్రీరామమూర్తి ఆర్టికల్ సింహ విలాపం
    Previous Articleఅరిటాకు ఆయుష్షు
    Next Article ఆనందయ్యనూ గుళిక చేసుకుని మింగేస్తాం….!?

    Related Posts

    Comments are closed.

    https://www.youtube.com/watch?v=Xvn_15BR5TY
    https://www.youtube.com/watch?v=5BiOy1tW780
    Facebook X (Twitter) YouTube
    • Privacy Policy
    • Disclaimer
    • About Us
    © 2023 ts29.in

    Type above and press Enter to search. Press Esc to cancel.