Facebook Twitter YouTube
    Sunday, June 4
    Facebook Twitter YouTube
    ts29ts29
    • Home
    • Editor’s Pick
    • General News
    • Crime News
    • Political News
    • Opinion
    • National News
    • International News
    ts29ts29
    Home»General News»ఆర్టీసీలో మళ్లీ జేఏసీ ఏర్పాటు

    ఆర్టీసీలో మళ్లీ జేఏసీ ఏర్పాటు

    June 21, 20211 Min Read
    WhatsApp Facebook Twitter Telegram
    ts29 9920 TSRTC

    తెలంగాణా ఆర్టీసీలో మళ్లీ జాయింట్ యాక్షన్ కమిటీ (జేఏసీ) ఏర్పాటైంది. మొత్తం పది యూనియన్లతో జేఏసీ ఏర్పాటు కావడం విశేషం. అయితే టీఎంయూ మాత్రం జేఏసీలో చేరకపోవడం గమనార్హం. ఆర్టీసీ ఉద్యోగుల సమస్యల పరిష్కారం కోసం జేఏసీ ఏర్పాటు చేశామని, తమ న్యాయమైన డిమాండ్ల కోసం పోరాటాలకు సిద్ధమని ఆర్టీసి యూనియన్ల నేతలు ప్రకటించారు. హైదరాబాద్ లో సోమవారం ఏర్పాటు చేసిన మీడియా సమావేశంలో ఆర్టీసీ జేఏసీ చైర్మెన్, ఈయూ ప్రధాన కార్యదర్శి రాజిరెడ్డి మాట్లాడుతూ, కార్మిక సమస్యల పరిష్కారానికి జేఏసీ ఏర్పాటు చేశామన్నారు. తెలంగాణలో ప్రతి ఉద్యోగికి జీతాలు పెరిగాయని, తమకు మాత్రం పెరగలేదని, మూడేళ్ల క్రితమే పెరిగేవని, అసెంబ్లీలో సీఎం స్వయంగా హామీ ఇచ్చారని, కానీ ఇంత వరకు నెరవేరలేదన్నారు. సంస్థలో కొత్త బస్సుల కొనుగోలు లేదని, సీసీఎస్ లో నిధులు లేవని, దీన్ని మూసివేసే దిశగా ప్రయత్నాలు సాగుతున్నాయని చెప్పారు. ఆర్టీసీ ఉద్యోగుల వేతన సవరణ జరగాలని, ఉద్యోగ భద్రత హామీ ఇచ్చారే తప్ప నెరవేరలేదన్నారు. అదేవిధంగా రిటైరైన వారి సమస్యలు పరిష్కరించాలన్నారు.

    ts29 rtc jac
    జేఏసీని ప్రకటిస్తున్న టీఎస్ ఆర్టీసీ కార్మిక సంఘాల నేతలు

    జేఏసీ వైస్ చైర్మెన్ హన్మంతు ముదిరాజ్ మాట్లాడుతూ, ఆర్టీసీలోని 11 యూనియన్లలో 10 యూనియన్లతో జేఏసీ ఏర్పడిందని, టీఎంయూ జేఏసీలో పాల్గొనలేదన్నారు. ఆర్టీసీ రోజురోజుకు క్షీణిస్తున్నదని, సంస్థ పరిరక్షణకోసం తదుపరి కార్యక్రమంలో వినతిపత్రం ఇచ్చి ఆందోళన కార్యక్రమాలు చేపడతామని ప్రకటించారు. ఆర్టీసీ పరిరక్షణ, ఉద్యోగుల సమస్యలపై ప్రభుత్వం నిరంకుశంగా వ్యవహరిస్తోందని, టీఎంయూ బయటకు వచ్చి పోరాటాలకు సిద్ధం కావాలని పిలుపునిచ్చారు. త్వరలోనే కార్యాచరణ రూపొందించి ఉద్యమాలకు సిద్ధమవుతామని, ముఖ్యమంత్రి తన ప్రకటనలతోనే యూనియన్లు లేవని చెబుతున్నారని, యూనియన్లు రద్దు చేసే అర్హత ముఖ్యమంత్రికి లేదని ఆయన అన్నారు.

    rtc jac Telangana transport tsrtc
    Previous Articleమంత్రి ఎర్రబెల్లికి సీఎం కేసీఆర్ ‘స్వీట్’ వార్నింగ్!
    Next Article సీఎం కేసీఆర్ టూర్స్: బీజేపీ ఎమ్మెల్యేల కామెంట్స్

    Related Posts

    సెస్ పేరుతో ఆర్టీసీ ‘మెరుపు బాదుడు’

    March 28, 2022

    హ్యాపీ న్యూ ఇయర్: ఆర్టీసీ బంపర్ ఆఫర్లు

    December 30, 2021

    ఛార్జీల ‘బాదుడు’కు రంగం సిద్ధం

    December 1, 2021

    Comments are closed.

    https://www.youtube.com/watch?v=Xvn_15BR5TY
    https://www.youtube.com/watch?v=5BiOy1tW780
    Facebook Twitter YouTube
    • Privacy Policy
    • Disclaimer
    • About Us
    © 2023 ts29.in

    Type above and press Enter to search. Press Esc to cancel.