మన దేశ ప్రధాని నరేంద్ర మోదీ షేర్ చేసిన ఓ వీడియో నెటిజన్లను విపరీతంగా ఆకట్టుకుంటోంది. ఆయన షేర్ చేసిన ఈ వీడియో కేవలం 3 గంటల వ్యవధిలో 5.8 లక్షల వ్యూస్ సొంతం చేసుకోవడం విశేషం.
ఇంతకీ ప్రధాని మోదీ షేర్ చేసిన ఆ వీడియో ఏమిటీ అంటే…? గుజరాత్ లోని ఓ సూర్య దేవాలయానికి సంబంధించిన అద్భుత దృశ్యం. మెహ్ సనా జిల్లా మోధేరాలోని పుష్పావతి నది ఒడ్డున గల ఈ సూర్య దేవాలయాన్ని 11వ శతాబ్ధంలో చాళుక్య రాజ వంశీకులు నిర్మించినట్లు చరిత్ర చెబుతోంది.
‘వర్షం కురిసిన రోజు అద్భుతంగా సాక్షాత్కరిస్తున్న మోధేరా సూర్యదేవాలయాన్ని ఓసారి చూడండి’ అంటూ ప్రధాని మోదీ తన ట్విట్టర్ ఖాతా ద్వారా ఈ వీడియోను పోస్ట్ చేశారు. వర్షపు నీరు మెట్ల ద్వారా మాత్రమే పయనించడం ఈ వీడియో దృశ్యపు అసలు విశేషం. నెటిజన్లను విపరీతంగా ఆకట్టుకుంటున్న ఆయా వీడియోను దిగువన మీరూ చూసేయండి మరి.