తెలంగాణా శాసన మండలి మాజీ చైర్మెన్, అధికార టీఆర్ఎస్ పార్టీకి చెందిన సీనియర్ నాయకుడు స్వామి గౌడ్ కాంగ్రెస్ పార్టీకి చెందిన ఎంపీ రేవంత్ రెడ్డిపై ప్రశంసల జల్లు కురిపించారు. ఈ ఘటన తెలంగాణా రాజకీయ వర్గాల్లో తీవ్ర చర్చకు దారి తీసింది. హైదరాబాద్ లోని బోయినపల్లిలో ఆదివారం జరిగిన సర్వాయి పాపన్న విగ్రహావిష్కరణ సభలో రేవంత్ రెడ్డితోపాటు స్వామి గౌడ్ కూడా పాల్గొన్నారు.
ఈ సందర్భంగా స్వామి గౌడ్ చేసిన పలు వ్యాఖ్యలు రాజకీయ కలకలానికి దారి తీశాయి. రేవంత్ ‘రెడ్డి’ అయినప్పటికీ బడుగు వర్గాల చేతికర్రగా మారాడని స్వామి గౌడ్ ప్రశంసించడం విశేషం. ఓవైపు రేవంత్ రెడ్డిపై ప్రశంసల జల్లు కురిపిస్తూనే, మరోవైపు ఇతర రాజకీయ అంశాలపై టీఆర్ఎస్ పార్టీకి చెందిన నేత స్వామి గౌడ్ ఘాటుగానే చేసిన వ్యాఖ్యలను ఏబీఎన్-ఆంధ్రజ్యోతి లింకులో దిగువన మీరూ వీక్షించి, వినవచ్చు.