సత్తుపల్లి మాజీ ఎమ్మెల్యే సండ్ర వెంకట వీరయ్య, మహాలక్ష్మి దంపతుల పెద్ద కుమారుడు భార్గవ్ వివాహం ఆదివారం రాత్రి హైదరాబాద్ లో ఘనంగా జరిగింది. హైదరాబాద్ కు చెందిన కుర్రా అశోక్, శ్రీలక్ష్మిల ఏకైక కుమార్తె చిద్విత సాయితో భార్గవ్ వివాహం రాత్రి 7.18 గంటలకు జరిగింది.
ఈ వివాహానికి సీఎం రేవంత్ రెడ్డి, ఎంపీ వద్దిరాజు రవిచంద్ర, మాజీ మంత్రి హరీష్ రావు, నర్సంపేట మాజీ ఎమ్మెల్యే పెద్ది సుదర్శన్ రెడ్డి, స్వప్న దంపతులతోపాటు పలువురు రాజకీయ ప్రముఖులు హాజరై నూతన వధూవరులను ఆశీర్వదించారు. తన కుమారుని వివాహ రిసిప్షన్ ను ఈనెల 20వ తేదీన ఖమ్మంలో సండ్ర వెంకట వీరయ్య నిర్వహించనున్నారు.