అండర్ వరల్డ్ డాన్ ఛోటా రాజన్ కరోనాతో మృతి చెందినట్లు వార్తలు వచ్చాయి. గత నెల 26వ తేదీన ఛోటా రాజన్ కు కరోనా సోకింది. దీంతో తీహార్ జైల్లో గల ఛోటా రాజన్ ను చికిత్స కోసం తరలించారు. అప్పటి నుంచి ఢిల్లీ ఎయిమ్స్ లో ఛోటా రాజన్ చికిత్స తీసుకుంటున్నాడు. చికిత్స పొందుతూనే కొద్దిసేపటి క్రితం ఛోటారాజన్ మరణించినట్లు వార్తా కథనాలు ప్రసారమయ్యాయి. అండర్ వరల్డ్ డాన్ చోటరాజన్ మరణించాడనే సమాచారాన్ని ఎయిమ్స్ అధికార వర్గాలు సీబీఐకి చెప్పినట్లు కూడా తెలుస్తోంది.
అయితే ఛోటా రాజన్ మరణించాడనే విషయాన్ని తీహార్ జైలు అధికారులు ఖండించారు. ఛోటా రాజన్ మరణించినట్లు తొలుత ప్రసారమైన వార్తలను ఢిల్లీ ఎయిమ్స్ వర్గాలతోపాటు పోలీసులు కూడా ఖండించారు.